Të nderuar bashkëqytetarët e mi!

Qyteti i Çorovodës është vendi që na bashkon të gjithëve, është vendi ku lindëm dhe rritëm fëmijët tanë. Është qyteti i të sotmes dhe të ardhmes sonë.

Historia e Çorovodës është historia e traditës, vlerës, mikpritjes, vlerës historike e kulturore të një krahine me emrin Skrapar dhe të banorëve të saj, Skrapalinj.

Ne sot ndërthurim traditën me modernen, të hedhim themele të sigurta për një zhvillim të qëndrueshëm të ekonomisë së qytetit tonë, për një jetë të kënaqëshme për fëmijët tanë. Është koha të bashkojmë idetë tona, për begatinë e qytetit tonë.

Ftesa ime e sinqertë për të gjithë bashkëqytetarët e mi është:
Të gjithë bashkë për Çorovodën, për qytetin e ëndrrave dhe dëshirave tona.